Алматыда жатақханаға мұқтаж студенттерге көмектесу штабы тәулік бойы жұмыс істейді.

       Алматыдағы жатақханаға мұқтаж студенттерге арналған жедел штабқа осы уақытқа дейін 200-ден аса адам хабарласқан. Штаб бір айдан бері жұмыс істеуде. Мұнда студенттерге тәулік бойы қызмет көрсетіледі. Соның арқасында бірқатар студенттер жатақханадан орын тапса, кейбіреулеріне арзан пәтер табылған. Шәкірттердің мәселесі шешілгенше штаб тарапынан уақытша қонатын орын қарастырылған. Штабтың телефоны мен мекен жайы әлеуметтік желілерде және университеттер парақшаларында көрсетілген. Мүлдем барар жер табылмаған сутденттерге штаб жанынан 16 орындық төрт бөлме қарастырылған. Олар баспана мәселесі шешілгенге дейін осында тұруына болады.Жалпы қалада жатақхана жетіспейшілігі көптен бері айтылып келеді. Мұндағы 35 жоғары оқу орнында 200 мыңдай тәлімгер білім алады. Олардың 70 пайызы өзге облыстардан келген. 

Ақпарат дереккөзі