Біздің өміріміз

Бөлісу

Алматыда ALA жазуы формасындағы бақ пайда болады

Алматыда ALA жазуы формасындағы бақ пайда болады

Алматыда қаланың халықаралық коды – ALA әріптері формасында бақ отырғызылып жатыр.

ALA жазуы ғарыштан көрініп, Алматы бағы Гиннестің рекордтар кітабына енуі мүмкін. Әріптер формасындағы бақ әуе кемесі қонуға дайындалғанда борттағыларға көрінетіндей етіп отырғызылған.

«Дүниежүзілік тарихта қалуға тырысамыз. Бұл бірегей орын Гиннестің рекордтар кітабына ең үлкен сөз ретінде кіре алады», - дейді жоба авторы, продюсер Дәуіт Шайхисламов.

Автордың айтуынша, 3 гектардан аса алқапқа 2,5 мың екі метрлік арша отырғызылған.

«Ағаштар – болашақ ұрпаққа мұра. Олар ондаған жылдар бойы өсіп, жасыл желекті қалыптастырып, ең маңызды адами құндылықтарды бейнелейді. Осы белгі арқылы біз қалаға деген сүйіспеншілігімізді бөлісеміз», - дейді Дәуіт Шайхисламов.

Ертең, 18 қарашада қоғам белсенділері Алматы әкімдігімен бірлесе ALA бағын отырғызуды аяқтайды.

Дереккөз ҚазАқпарат. 

Біздің әлеуметтік желілерге жазылыңыздар және барлық оқиғалардан хабардар болыңыз!
Facebook Youtube Instagram Вконтакте Форум качества

Пікірлер

Комментарий қалдыру үшін порталға тіркеліңіз немесе кіріңіз

Авторизация через