Алматы және Анкара қалалары арасында аптасына екі рет тікелей әуе рейсі қатынайды.

Бұған дейін Қазақстан мен Түркия арасындағы әуе қатынасы мәселелері бойынша Түркияның авиациялық билік орындарымен келіссөздер жүргізілген. Нәтижесінде тараптар маршруттарды, рейстер санын екі есеге және тасымалдаушыларды көбейту жөнінде уағдаласты.

 «Pegasus Airlines» түрік авиакомпаниясы ағымдағы жылдың 1 қарашасынан бастап Алматы – Анкара бағыты бойынша жаңа рейсті іске қосты, қазақстандық жолаушылар Түркия астанасына тікелей рейстермен саяхаттауға мүмкіндік алды.

Алматы және Анкара қалалары арасындағы тұрақты рейстер А320 және Б737 типті әуе кемелерімен сәрсенбі және сенбі күндері аптасына 2 рет орындалады.

Фото: smartik.ru