Ежелгі және орта ғасырларда құрылған қонақүйлердің көпшілігі қираған немесе мұражайға айналған. Бірақ мың жылдық тарихы бар қонақүйлер әлі де жұмыс істейді.

               Саяхатшыларға арналған қонақ үйлер Помпей шежіресінде біздің эрамызға дейінгі 69 жылы алғаш рет айтылған. Қазіргі заманғы қонақ үй индустриясының тарихын VІІІ ғасырдан бастау алды деуге болады.  700-ші жылдары құрылған қонақ үйлер қонақ қабылдауды жалғастырып келе жатыр.

1. Nishiyama Onsen Keiunkan , Жапония, 705 ж

               Фудзивара Махито, император Тенджидің көмекшісінің баласы, VIII ғасырдың басында ыстық бұлақтың жанында қонақүй құрған. Кәсіпорын тез танымал болды. Саясаткерлер, билеуші ​​әулеттің мүшелері, әскери қолбасшылар мен самурайлар мұнда жиі келетін.

               2011 жылы Nishiyama Onsen Keiunkan  әлемдегі ең көне қонақүй ретінде Гиннестің рекордтар кітабына енгізілді . Оның жұмыс істеп тұрғанына 1315 жыл болған. Қазір оны Фудзивара отбасының 52-ші ұрпағы басқарады. Қонақ үй Яманаши префектурасында, Фудзияма тауынан екі сағаттық қашықтықта орналасқан.

               Нишияма Онсен Кейунканның ескі жапон стилінде жиһаздалған 35 бөлмесі бар. Қонақтардан ғимаратқа кірерде аяқ киімдерін шешуді сұрайды және оларға дәстүрлі киім ұсынылады. Ыстық бұлақ әлі де қонақүйді сумен қамтамасыз етеді. Нишияма Онсен Кейунканда ерекшелігі интернет жоқ.

               Әлемдегі ең көне қонақүйде бір түн қону 280 доллар тұрады.

2. Hoshi Ryokan, Жапония, 718 ж

              Екінші қонақүй – Гиннестің рекордсмені Исикава префектурасында орналасқан. Ол ХІІІ ғасыр бойы бір отбасыға тиесілі. 1996 жылдан 2011 жылға дейін Хоши Рёкан әлемдегі ең көне қонақ үй және отбасылық бизнес болып саналды. Қонақ үйді қазір Хоши отбасының 46-шы ұрпағы басқарады.  Бұл отбасы бизнесі енді жалғасын таппайын деп тұр. Себебі, 2013 жылы қонақ үй иелерінің жалғыз ұлы қайтыс болды. Енді оны осы әулеттің жалғыз қызы Хисая Хоши басқарады. Шетелдік  БАҚ жазған отбасындағы драмалық жағдай мен тәжірибе туралы қысқаметражды деректі фильм түсірілді.

              Хоши Рёкан  дәстүрлі стильде жабдықталған, ал мәзірде ұлттық тағамдар бар. Мұнда да қонақтарға арналған ванналар мен СПА рәсімдері бар. Бұл қонақ үй де ыстық бұлақтың жанында салынған. Жыл сайын қыркүйек айында театр фестивалі өтеді. Хоши Рёканның сонымен қатар классикалық жапон өнері шеберлерінің туындылары қойылған мұражайы бар.

              Екі адамға жалға алу бір түнге 100 доллар тұрады.

3. Gamirasu Cave Hotel, Түркия, VIII ғ

               Үңгірдегі қонақүй Каппадокияда, біздің дәуірімізге дейінгі 1600 жылдары құрылған Айвали ауылында орналасқан. VIII ғасырда мұнда монастырь салынған. Кейін жер асты бөлмелері қонақүйге айналған. Қонақ үй аумағында Х ғасырда салынған шіркеу бар, бұрынғы бөлмелердің қабырғаларында сол кезеңдегі фрескалардың фрагменттері сақталған.

               Заманауи қонақүй ретінде ол 1999 жылы ашылды. Мұнда сәнді стильде безендірілген тас төсектерден бастап аскетикалық зынданға дейінгі 30 бөлме бар. Жер асты бөлмелерінде интернет бар, қонақтарға шөптен жасалған шай, сүт және бал ұсынылады.

                Монастырь үңгірлерінде бір түнге қону бағасы – 110 – 450 доллар.

4. Maid's Head қонақ үйі, Ұлыбритания, 1090-1246 ж

             Қонақ үй туралы алғашқы рет 1246 жылғы жазбада жазылған. Сол кезде Норвич шежіресі Роберт құсшының Кук Роудағы қонақүйден тауар ұрлағанын айтады. Алайда, Maid's Head Hotel әкімшілігі өздерінің қонақүйін  Ұлыбританиядағы ең көне қонақ үй деп мәлімдеді. Олардың айтуынша, мекеменің тарихы 1090-шы жылдардан бастау алады. Бұл уақытта қонақүй Норвичтің бірінші норман епископы Герберт де Лосинга резиденциясы болды. Қазіргі ғимараттың ең көне бөліктері XV ғасырға жатады, ал қалған ғимараттар XVІ ғасырдың соңында тұрғызылған. Қонақ үйде ханзада Эдвард (ІІІ король Эдуард), Генри VIII Кэтриннің әйелі мен патшайым Елизавета І болған.

            Ерекшелігі мұнда әдеби бөлме де бар.

            Стандартты бөлмеде бір түн қону  230-380 доллар.

5. Luna Baglioni, Италия, 1118 ж

             Luna Baglioni  – Әулие Марк алаңынан маңында орналасқан Венециядағы ең көне қонақ үй. Сақталған тарихи деректер бойынша, XII ғасырда Иерусалим ғибадатханасы орденінің рыцарлары болған тамплиерлер крест жорықтары кезінде осында болған. ХІІІ ғасырдағы Венеция мұрағаттарында Луна тавернасының жазбалары бар, ал XV ғасырдың шежіресінде осы аттас қонақ үй туралы айтылады. Қонақүйдің кейбір заманауи интерьері 1700  салынған.

              Қонақ үй 1992 жылы қайта жөндеуден өтті. Қазір мұнда 104 бөлме бар. Қонақ үйден екі минуттық жерде Венециялық өзен трамвайлары жүреді. Каналдың жақын болуына қарамастан, "Лунаның" бірінші қабатын теңіз деңгейі көтерілген кезде су баспайды.

              Luna Baglioni-де бір түнге түнеу маусымға байланысты 340 доллардан 640 долларға дейін болады.

6. Zum Roten Bären, Германия, 1120 ж

              Елдегі ең көне қонақүй Фрайбург-им-Брайсгау қаласында орналасқан. Қаланың тарихи мұражайының директоры Питер Кальчталердің айтуынша, қонақ үй ХІІ ғасырдың басында ашылған, бірақ сақталған алғашқы жазбаша дәлелдер 1311 жылға жатады. Кальчталер сонымен қатар болашақ Франция патшайымы Мари Антуанеттаның 1770 жылы қонақүйде түнегенін айтады.

             Мартин Хайдеггер мұнда философиялық пікірталастар өткізді, ал 1956 жылы актриса және әнші Марика Рокк осында өмір сүрді.

             Бүгінде Zum Roten Bären -де 25 заманауи бөлме мен дәстүрлі неміс мейрамханасы бар. Қонақ үйдің бұрынғы иелерінің бірі Моника Хансен қонақүй мен оның иелерінің тарихын 2009 жылы Фрайбургтегі Das Buch vom Roten Bären (Фрайбургтегі Қызыл аю кітабы) кітабында сипаттады.

             Немістердің ежелгі қонақ үйінде бір түн қону 180 доллар тұрады.

7. Château Du Domaine St. Martin, Франция, 1300 ж

            1150 жылы тамплерлер Провансаль сарайында Сент-Мартин сарайының негізін қалады. Монастырь капелласы осы күнге дейін сақталған және рәсімдер әлі де осында өткізіледі. Қамал рыцарлардың меншігінде XIV ғасырдың басына дейін қалды. Осыдан кейін қамал біртіндеп қонақ үйге айналды. Аңыз бойынша, қазыналар  – Бафометтің алтын фигурасы, алтын пұт және басқа да құндылықтар бұрынғы аббаттықтың аумағында жерленген.

            Бүгінде бұл Ниццадан 20 минуттық жерде орналасқан бес жұлдызды қонақ үйде Брэд Питт пен Анджелина Джоли тұрған. Қамалда бассейн, СПА, теннис корты мен гольф алаңы бар. Қонақүйде Michelin жұлдызды La Commanderie қолтаңбасы бар мейрамхана бар. Интерьер Aubusson гобелендерімен безендірілген және Людовик XV заманынан бергі антикварлық жиһазбен жабдықталған.

Мәтіндегі ақпарат туралы