Гавай аралдарында соңғы 40 жылда алғаш рет әлемдегі ең үлкен белсенді жанартау Мауна Лоа атқылай бастады.

  Жергілікті әкімшілік өкілдері лава әлі сыртқа шықпады және таудың етегінде тұратын адамдарға қауіп төндірмейді. Алайда АҚШ геологиялық қызметі жағдайдың тез өзгеруі мүмкін екенін ескертеді.

  Гавайдің үлкен аралында жанартаудың айналасындағы күлдің шашырау мүмкіндігі туралы ескерту бар және тұрғындарға қырағы болуға кеңес беріледі.

  Соңғы атқылау 27 қараша, яғни жексенбіге қараған түні Мокуавеовео жанартаудың кальдерасында басталды. Кальдера – атқылаудың соңына таман шыңның астында пайда болатын ойпат.

  Бұрын атқылау туралы бірнеше ескертулер болған. 

  "Мауна Лоа атқылауының алғашқы кезеңдері өте динамикалық болуы мүмкін және лава ағындарының орналасуы мен қозғалысы тез өзгеруі мүмкін", – делінген АҚШ геологиялық қызметінің хабарламасында.

  Сондай-ақ, егер атқылау шыңы кальдера қабырғаларынан асып кетсе, лава ағындары еңістен өте тез ағып кетуі мүмкін.

  "Бұл лава ағындары инфрақұрылымға зиян тигізуі мүмкін", – дейді Гавай жанартау обсерваториясында жұмыс істеген британдық жанартау геофизигі доктор Джессика Джонсон.

  Геологиялық қызметтің мәліметі бойынша, 1843 жылдан бастап алғашқы атқылау құжатталған кезде Мауна Лоа тағы 33 рет атқылаған. Соңғы атқылау 1984 жылы болды, содан кейін лава ағыны аралдағы ең үлкен қала Хилоға 8 км жетпеді.

  Осындай белсенділіктің арқасында Мауна Лоа әлемдегі ең үлкен белсенді жанартау болып саналады.