АДАМДЫ АЛМАСТЫРҒАН  РОБОТ

Короновирус індеті әлемдегі көптеген компанияны робот жасау технологиясын дамытуға итермелеуде. Тіпті жеке адамдар өнертапқыш болып алды. Ресейдің шағын және орта бизнесті қолдау банкінің ықпалымен Сколково тұрғыны ойлап тапқан Promobot роботы, ШОБ корпорациясының еншілес банкі арасында келісімге отырып, Қазақстанның бас қаласы  Нұр-Сұлтанда орналасқан «Бәйтерек» монументі мұражайына  автоматты робот-гид қызметке орналасты.  Ол жайында банктің баспасөз қызметі хабарлады.

Робот 5 тілде орыс,ағылшын, қытай, араб және түрік тілінде сөйлейді. Promobot роботы адаммен әңгімелесіп, танып, өз бетінше қозғалады. Мұндай робот дербес яғни, адамның бақылауын қажет етпейді.

 «Бәйтерек» монументіне келгендерге робот Қазақстан тарихы мен Нұр-Сұлтан қаласы жөнінде ақпарат беріп, мәліметтермен таныстырады. Қала қонақтарына шаһар бойынша маршрут құруға көмектеседі. Роботтың туристерді тартуға, оларға қызмет көрсету сапасын жақсартуға көмегі зор.

Қазір өнертапқыштар  роботқа қазақ тілін үйреткеннен кейін қаладағы  8 ескерткіштің қасына да ақылды темірді қоюды жоспарлап отыр. Бұған дейін Promobot стартапы  жобаларын қолдау бағдарламасы аясында ШОБ Банкінен қолдау тапқаны туралы хабарланған болатын: компанияға ШОБ корпорациясының кепілдігімен 50 миллион рубль несие берілді.

Бүгінде осындай Promobot -- кеңесші, гид, әкімші, промоутер, консьерж ретінде әлемнің қырық елінде қызмет етіп жүр. Promobot  мәліметтер базасы, қауіпсіздік жүйесі, сайттар мен сервистер секілді кез-келген сыртқы жүйеге қосыла алады. Мұндай роботты Сбербанктен, кейбір музейлерден, Дубай-Моллдан, Балтимор-Вашингтон әуежайынан кездестіріп қалуыңыз ғажап емес.

Айта кету керек  Нұр-Сұлтан қаласында спорттық, медициналық, іскерлік бағыттағы туризмді дамыту бағытында да жан-жақты жұмыс жүргізіп жатыр.

Робототехника қарыштап дамығалы бері сәтті шыққан роботтардың үздік ондығын назарларыңызға ұсынамыз.

Хирург робот

Соңғы 17 жылда «da Vinci» хирург роботтарының көмегімен әлем бойынша 3 миллионға жуық науқасқа ота жасалды. Da Vinci – дәрігерге ота жасау аймағын HD-сапада көруге мүмкіндік беретін хирургиялық жүйе. Ол ота аймағында кедергісіз жұмыс жасау үшін кішкентай пішінмен жасалды.

Аспазшы робот

Бұл құрылғыны жеке робот емес, тұтастай асхана деп санауға болады. Аспазшының орнын басатын роботтың адамға сәйкестендірген екі қолы бар. Осы екі қолының көмегімен ақылды құрылғы мәзірде тапсырыс берген пәрмен бойынша бұйрықты орындайды. Адам қанша уақытта дәмді ас әзірлей алса, робот та дәл сол уақытта және дәмді тамақ жасауға қауқарлы. Бұл робоасхана сатылымға 2018 жылдан бастап шыққан.

Бақташы робот

Бұл құрылғы қазіргі уақытта енді құрастырылуда. Соңғы сынақ кезеңінің нәтижесі бойынша, SwagBot мал бағуға, заттарды орынынан жылжытуға, бау-бақшаға қарауға өте тиімді робот. Бұл құрылғыны жасау үшін Сидней Университетінің ұстаздары аянбай тер төгуде.

Киберфермер

Фермерлік шаруашылықты жандандыру үшін бұл салада роботтардың бірнеше түрі дайындалған. Бау-бақша жемістерін егіп, оны баптап, жемісін теріп алуға жағдай жасайтын ол бүгінгі күннің таптырмас құрылғысы.

Бау-бақша техникаларының қатарына қосылған тағы бір робот – AgBot. Оның қызметі – бақшаны химиялық және механикалық тәсілмен барлық арамшөптен арылту. Сонымен қоса, егін топырағын тыңайтады.

Қойма роботы

Қоймадағы жүкті бір орыннан екінші орынға қозғалту үшін ойлап табылған құрылғы. Жұмысшыларға айлық төлегеннен гөрі осындай құрылғыларды сатып алып өз жұмыстарын ілгері жүргізіп жатқан компаниялар көп. Мысалы, 2015 жылы Қытайдың Everwin Precision Technology компаниясы жұмысшыларының 90% дәл осындай роботтарға ауыстырды.

Тасымалдаушы дрон

Жүктерді жеткізу қызметі үшін таптырмас құрылғы. Адамдардың қызметтік орнын басқан роботты биылғы жылдан бастап қолдана бастады. Жаңа Зеландияның Domino’s Pizza қызметкерлері жұмыстарына көмек ретінде осы құрылғының көмегімен пицца жеткізуді бастап кетті.

Кітапханашы робот

Үлкен кітапханаларда адамдар іздеген кітаптарын бірден таба алмайды. Осындай уақытта роботтың көмегіне жүгінсек, бірнеше минуттың ішінде іздеген кітабымызды оңай таба аламыз. Бұл роботтар Канзас-Ситидегі Миссури университетінде сынақ өтіп, жоғарғы деңгейдегі құрылғы деп мадақталған.

Күзетші робот

Шетелдік ойын-сауық орталықтарының көлік тұрақтарында қарауылдың қызметін осындай арнайы роботтар атқарады. Жартыметрлік күзетшінің кеудесіне камера орнатылып, GPS қойылады. Бұл аппораттар Сан-Франциско және Калифорния қалаларында өз қызметін бастап кетті. 

Жауынгер робот

Бұл робот аралар тыңшының қызметін атқару үшін жасалды. Соғыс жағдайында және әскери оқу жаттығуларда өте тиімді.

InvestLab cайтынан алынып тәржімаланды