Ол ұрланған әшекейлерді ломбардқа өткізген.
Полиция күдіктіні анықтады.
Әйел ауруханаға жатқызылған кезде өзімен бірге алтын сырға мен алқасы болған. Біраз уақыттан кейін оның туыстары зергерлік бұйымдардың жоғалғанын байқап, полицияға хабарласқан.
Жедел-іздестіру шаралары барысында криминалдық полиция қызметкерлері 22 жастағы күдіктіні анықтады. Ол медициналық мекеменің бұрынғы қызметкері болып шықты.
Алдын ала мәлімет бойынша, күдікті ұрланған әшекейлерді ломбардқа тапсырған. Заттай дәлелдемелер тәркіленді.
Ұрлық фактісі бойынша сотқа дейінгі тергеу жүргізіліп жатыр.
Полиция азаматтарды жеке мүлкінің сақталуына мұқият болуға шақырады. Заттардың жоғалғанын анықтаған жағдайда, дереу полицияға хабарласу қажет.
Дерек көзі: https://inbusiness.kz
