Олар - үш облыс пен Астана қаласының тұрғындары
Жамбыл облысы Мойынқұм ауданындағы жер асты шахтасына түскендер ұсталды, деп хабарлайды облыстық полиция департаменті.
27 сәуір түнгі сағат екі шамасында бір топ адам шахтаға заңсыз түскен.
"Полицияға күзет қызметкерінен хабарлама түскен. Қорғалатын аумаққа заңсыз кірген Алматы, Түркістан, Қарағанды облыстары мен Астана қаласынан келген 14 ер адам полиция бөліміне жеткізілді", - дейді полиция.
Олардың сөмкелерінен тек жеке басқа қажетті жабдықтар табылған, құнды заттар болмаған.
Полиция күзетілетін объектіге заңсыз кіру бабы бойынша қылмыстық іс қозғады.
Қазіргі уақытта оқиғаның мән-жайын толыққанды анықтау мақсатында барлық қажетті тергеу амалдары мен жедел іздестіру іс-шаралары жалғасып жатыр, дейді полицейлер.
Дерек көзі: https://sputnik.kz