Алматыда LRT салынады: қай жердегі үйлер бұзылады

Алматыдағы LRT желісінің жобасы қоғам талқысына шықты, деп хабарлайды "Сапалы Қазақстан" порталы.

Krisha.kz жоба құжаттарын зерттеп, басты сұраққа жауап берді: мемлекет LRT үшін жер телімін ала ма және үйлер бұзыла ма?

LRT желісі қай жерден өтеді

Жоба төрт ауданды қамтиды:

• Алатау,
• Әуезов,
• Алмалы,
• Жетісу.

Желі халық тығыз қоныстанған әрі көлік қозғалысының қарқыны жоғары аумақтар арқылы өтеді.

Бірінші кезектегі трасса:

• басталуы — Алатау ауданының индустриялық аймағындағы депо;
• әрі қарай — Б. Момышұлы көшесі бойымен;
• кейін — Төле би көшесімен;
• одан соң — Абылай хан даңғылы арқылы;
• соңғы аялдама — Алматы-2 теміржол вокзалы маңындағы көлік торабы («Райымбек батыр» станциясының жанында).

Желі Дарабоз, «13», Ғажайып, Нұркент, «Алатау сити», «Алмалы» тұрғын үй кешендерін қала орталығымен байланыстырады.

Үйлер бұзыла ма

Жоба құжатында былай жазылған:

• Мемлекет қажеттілігі үшін жер телімін алу қажет болуы мүмкін.
• Жылжымайтын мүлік объектілерін сатып алу ықтималдығы бар.
• Дайындық кезеңінде кейбір құрылыс бұзылады.

Әзірге мемлекет нақты қай жерлерді алатынын, олардың саны мен мекенжайын ресми жарияламады.

Мамандар бағыт жеке тұрғын үй аумағына барынша аз кіру үшін қолданыстағы магистральді таңдаған.

Алматыдағы LRT қандай болады

• Ұзындығы — 18.3 км (бірінші кезек — 17.8 км).
• Екі жолақты бағыт.
• 34 жолаушы платформасы.
• Аялдамалар арасындағы орташа қашықтық — 700 метр.

LRT құрылысы қашан басталады

Желі екі жыл ішінде дайын болады: құрылыс 2027 жылдың II тоқсанында (сәуір) басталып, 2029 жылдың II тоқсанында (сәуір) аяқталады.

Оның ішінде дайындық кезеңі (үйлерді бұзу және инженерлік желілерді көшіру жұмыстарын қосқанда) — 7 ай.

Болашақта LRT-тің екінші кезеңі басталады.
Ол «Барлық» көлік торабын Б. Момышұлы көшесімен, сондай-ақ Алматы-2 теміржол вокзалын «Шығыс қақпа» көлік торабымен қосады.

Материал Krisha.kz сайтынан алынды.