Бүгін Қызылорда қаласында V Ұлттық құрылтай бастау алды, деп жазды Kazinform.
Екі күнге жалғасатын келелі жиынның алғашқы күнінде төрт панельдік секция бойынша отырыстар өтеді.
Фото: Назерке Саниязова/Kazinform
Әлеуметтік-мәдени даму секциясын Премьер-министрдің орынбасары — Мәдениет және ақпарат министрі Аида Балаева, Білім-ғылым секциясын Ғылым және жоғары білім министрі Саясат Нұрбек тізгіндеді.
Күннің екінші жартысында азаматтық қоғам және экономикалық даму жайы қамтылмақ.
Құрылтайда ел дамуының бағыт-бағдарын айқындайтын өзекті мәселелер талқыға түседі.
Фото: Назерке Саниязова/Kazinform
Сондай-ақ, Ұлттық құрылтай мүшелері осы күні облыс орталығындағы бірқатар нысанды аралайды.
Айта кетейік, Ұлттық құрылтай қарсаңында қазақ мемлекеттігінің қалыптасу кезеңдерінде маңызды шешімдер қабылданған құрылтайлар тарихына тоқталған едік.