Еліміздің барлық аймағында «Мектепке жол» акциясы жүріп жатыр

       1 тамыздан Қазақстанның барлық өңірінде жыл сайынғы республикалық «Мектепке жол» қайырымдылық акциясы басталады. Науқан 30 қыркүйекке дейін жалғасады. 

       Жыл сайынғы бұл дәстүрлі акция аз қамтылған, көп балалы, жетім және ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету мақсатында өткізіледі.

       Бүгінгі таңда акцияны ұйымдастыру және өткізу бойынша өңірлік іс-шаралар жоспары жасалып, көмекке мұқтаж балалардың тізімі жинақталып, бекітілген.

       Айта кетейік, бұл – жыл сайын жаңа оқу жылы қарсаңында өткізілетін республикалық қайырымдылық акциясы. Ол әлеуметтік осал санаттағы балаларға қолдау көрсетуге бағатталған. Игі іс-шараның мақсаты – мектепке дайындық кезеңінде қолдауды қажет ететін балаларға көмек көрсете отырып, олардың білімге тең қолжетімділігін қамтамасыз ету. 

       https://kaz.inform.kz/