фото: Sergek Group ұсынды
Жолдың қарсы бағытына шығып кеткен 10-ға жуық автокөлік анықталды
Полицейлердің дроны "Доссор – Бейнеу" республикалық маңызы бар тас жолда ұшып жүр. Әуе камерасы арқылы көлік құралдарының қарсы бағытқа шығуы, авариялық жағдай туғызу, маневр жасау ережелерін бұзу сияқты жол ережесін бұзу деректерін анықтауға мүмкіндік бар.
"Мәселен, жолдың қарсы бағытына шығып, басып озу дерегі бойынша 10-ға жуық автокөлік анықталып, жүргізушілерге қатысты тиісті іс-құжаттар жинақталды. Бұдан бөлек, LED және ксенон жарық шамдарын орнатқан Volkswagen Polo автокөлігі тоқтатылып, жүргізушіге шара қолданылды", - дейді тәртіп сақшылары.
Сондай-ақ патрульдік полиция ротасының қызметкерлері жол ережесін сақтау бойынша түсіндірме жұмыстарын жүргізеді.
ҚазАқпарат
Пікірлер
Комментарий қалдыру үшін порталға тіркеліңіз немесе кіріңіз
Авторизация через