фото: aa.com.tr
Иранның бірнеше қаласында құмды дауылдың салдарынан ауа сапасының нашарлауына байланысты мектептерде сабақтар уақытша тоқтатылды.
IRNA мемлекеттік агенттігінің хабарлауынша, аймақтық дағдарыс орталықтары мен төтенше жағдай комитеттері оқу орындарын уақытша жабу туралы шешім қабылдаған.
Құмды дауыл елдің батыс өңірлерін толық қамтыды. Батыс Әзербайжан, Күрдістан және Зенджан провинцияларында, сондай-ақ Шығыс Әзербайжанда мектептерде сабақтар мүлдем тоқтатылды.
Тебриз қаласында барлық мемлекеттік мекемелер мен банктердің жұмысы уақытша тоқтатылды.
Иран метеорологиялық қызметінің мәліметінше, алдағы сағаттарда құмды дауыл Альборз провинциясына және ел астанасы Тегеранға таралуы мүмкін.
ҚазАқпарат
Пікірлер
Комментарий қалдыру үшін порталға тіркеліңіз немесе кіріңіз
Авторизация через