фото: Сапалы Қазақстан
Қолданысқа заңға сүйенсек, 2025 жылдың 1 сәуіріне дейін еліміздегі көлік иелері 2024 жылғы көлік салығын төлеуге міндетті, деп хабарлады "Сапалы Қазақстан" порталы.
2025 жылдың 1 қаңтарынан бастап АЕК 3932 теңгеге дейін өсті. Дегенмен, 2024 жылғы салық әлі де бұрынғы АЕК бойынша (3692 теңге) есептеледі. Салықтың мөлшері бірнеше факторға, оның ішінде автомобиль қозғалтқышының көлемі, шығарылған және елге әкелінген жылына байланысты.
Уақытылы төлем жасамағандарға әрбір кешіктірілген күн үшін өсімпұл қосылады.
Берешекті өтеу үшін борышкерге хабарлама жіберілгеннен кейін 30 жұмыс күні беріледі. Қарыз мөлшері 1 АЕК-тен асқан жағдайда салықтық бұйрық шығарылып, сот орындаушылары есепшоттар мен мүлікті бұғаттауы мүмкін.
2014 жылға дейін Қазақстанға әкелінген көлемі 3 литрден асатын автомобильдер үшін жеке салық мөлшерлері қолданылады.
Салықты дәл есептеу үшін автомобиль қозғалтқышының көлемі, шығарылған жылы немесе елге әкелінген жылы туралы ақпаратты білу және мемлекеттік порталдардағы немесе банктердің мобильді қосымшаларындағы арнайы калькуляторларды пайдалану қажет.
Көптеген банктің мобильді қосымшаларында көлік салығын есептеу және төлеу қызметі бар.
Пікірлер
Комментарий қалдыру үшін порталға тіркеліңіз немесе кіріңіз
Авторизация через