FlyArystan билет құнын негізсіз өсірген

FlyArystan әуе компаниясы айласын брондаудың түрлі кезеңінде автоматты түрде қосылатын ақы есебінен көтерген. Бұл туралы  Бәсекелестікті қорғау және дамыту агенттігі мәлімдеді. 

Марат Омаров, ҚР Бәсекелестікті қорғау және дамыту агенттігінің төрағасы: — Әуе атасымалдаушы билет сату кезінде транзакция үшін комиссия алу арқылы билет құнын арттырған. Бұл drip pricing деп аталады, демек, бағаны аз-аздан өсірген. Негізінен Еуропа елдерінің заңнамасында бұған мүлдем тыйым салынған. 

Ұшақ билеттерін негізсіз қымбаттатқаны анықталған соң, әуе тасымалдаушыға антимонополия заңнамасын бұзуды тоқтату туралы ескерту берілген. Компания іле-шала, заңсыз қосымша ақы алуды тоқтатыпты. 

Қазір құзырлы орган ішкі әуе тасымалдары нарығына қатысты антимонополиялық талдау жүргізіліп жатыр. 

Айта кетейік, FlyArystan – ұлттық әуе тасымалдаушы Air Astana-ның еншілес компаниясы. Ішкі рейстерден бөлек, Грузия, Түркия, Өзбекстан, Қырғызстан, Әзірбайжан, Үндістан және Қытайға жолаушы тасиды.

Материал ktk.kz сайтынан алынды.