Халықтың полиция қызметкерлерінің кәсіби деңгейіне көзқарасы қандай? Еуропа елдерінде, соның ішінде Ұлыбританияда белгілі мерзім ішінде «Сіз полицияға сенесіз бе?» сауалнама жүргізіліп тұрады екен. Зерттеу қорытындысы бойынша полицияға халықтың 10 пайызы сенбесе, үлкен трагедия, дау-дамай болады екен. 

Ал біздің елде халық полиция өкілдеріне қанша пайыз сенеді? Осыдан 3-4 жыл бұрын осы тақырыпқа жақын сауалнама жүргізілді. Нәтижесінде жұрттың 37%-ы полицияға толық, 38%-ы жартылай сенеді, жалпы алғанда халықтың 75 пайызға жуығы сенеді екен. Ресми дерек осылай дейді.

Бүгін біз полиция қызметіне қатысты жол жүру ережелері туралы сөз қозғамақпыз. Жалпы Жол полициясы халық алдында есеп беруі керек пе? Жол жүру ережелерімен толық келісесіз бе? Жол полициясы қызметінің сапасы  көңіліңізден шыға ма? Осындай сұрақтарды Халықаралық сапа академиясының академигі Азия сапа желісінің (ANQ) басқармасының құрметті директоры Азат Әбдірахмановқа қойып, жеке пікірін білген едік.