Мопедті қалай тіркеуге болады

"Жол қозғалысы туралы" Заңға сәйкес бұл үшін А1 санатындағы жүргізуші куәлігі қажет

Ішкі істер министрлігі мопедтерді қалай тіркеу керектігін түсіндірді.

Мопедті тіркеу үшін тұрғылықты жердегі арнайы халыққа қызмет көрсету орталығына хабарласу қажет, дейді ішкі істер министрлігінің ресми өкілі Шыңғыс Алекешев.

Жеке басын куәландыратын құжаттарды электронды түрде көрсетуге болады, техникалық құжатты немесе мопедтің техникалық сипаттамалары туралы мәліметтерді ұсыну қажет. Содан кейін өтінішті толтырып, мопедті тексеріп, мемлекеттік баждарды төлейді:

мопедті тіркегені үшін - 983 теңге (1,97 доллар);

тіркеу туралы куәлік беру - 4 906 теңге (9,8 доллар);

мемлекеттік нөмір - 5 504,8 теңге (11,05 доллар).

Егер ешқандай құжат болмаса, мопедті қалай тіркеуге болады

VIN-код (сәйкестендіру нөмірі) болмаған не шығарылған жылын белгілеу мүмкін болмаған жағдайда, ол құжат тексеруден кейін берілетін болады. Бұл ретте мопедті тексеру жүргізілген жыл шығарылған жылы болып есептеледі.

Мопедтерге арналған мемлекеттік нөмірлер қандай тәртіппен беріледі

Мопедтер үшін мемлекеттік нөмір белгісін беру қолданыстағы тәртіпке сәйкес жүзеге асырылады, яғни жүйе нөмірді автоматты түрде таңдайды. Бұған дейін бұл тәртіп мотоциклдерге қатысты қолданылған, деп хабарлады министрліктегілер.

Мопедті басқару үшін қандай құқық категориялары қажет

"Жол қозғалысы туралы" Заңға сәйкес бұл үшін А1 санатындағы жүргізуші куәлігі қажет. Бірақ, егер жүргізушіде А немесе В санаты болса, мопедті басқаруына рұқсат.

5 сәуірге дейін мопедтерді тіркемегендер үшін қандай жауапкершілік қарастырылған

Заңды түрде тіркелмеген мопедтердің жүруіне 5 сәуірден бастап тыйым салынады. Мұндай құқық бұзушылық анықталған жағдайда Әкімшілік құқық бұзушылық туралы кодекстің 590-бабының 2-тармағына сәйкес жауапкершілікке тартылады, айыппұл - 39 320 теңге (78,9 доллар).

ҚазАқпарат