Ұлыбритания премьер-министрі жасанды интеллектіні дамытудың жаңа стратегиясын ұсынды, деп жазды kaz.inform.kz.

Кир Стармер Ұлыбританияны жасанды интеллект (ЖИ) бойынша әлемдік көшбасшыға айналдыруды мақсат етіп отыр. 

Ол дүйсенбіде ұсынған жаңа стратегия он жыл ішінде 47 млрд фунт стерлинг (57,5 млрд доллар) экономикалық пайда әкелуге және он жыл ішінде 13 мыңнан астам жұмыс орнын құруға бағытталған, деп хабарлады GB News. 

Жоспар құрылысқа рұқсат алу процесін оңтайландыратын және жаңа технологияларды енгізу үшін қажетті энергетикалық инфрақұрылымның дамуын қамтамасыз ететін мамандандырылған ЖИ өсу аймақтарын құруды қамтиды.

Үш технологиялық компания – Vantage Data Centres, Nscale және Kyndryl ЖИ инфрақұрылымын құруға 14 млрд фунт стерлинг (17 млрд доллар) инвестиция құю ниеті туралы жариялады. Үкіметтің бағалауынша, бұл 13 мыңнан астам жұмыс орнын ашуға әкеледі. 

Кир Стармердің атап өтуінше, ЖИ-дің экономикалық өнімділікті айтарлықтай жақсартуға әлеуеті бар. Халықаралық валюта қорының болжамы мұны растай отырып, әлеуетті жылдық өсім 1,5 пайыздық тармаққа жеткенін көрсетті. 

Технологияларды қолданудың практикалық мысалдарының арасында премьер-министр ЖИ диагностиканы жақсартуға көмектесетін денсаулық сақтау саласын, мұғалімдерге әкімшілік жүктемені азайтатын білім беруді, сондай-ақ инфрақұрылым,а қызмет ету тиімділігін арттыратын жолдардағы зақымдануды анықтау үшін жасанды интеллектпен камераларды қолдануға болатын көлік саласын атап өтті. 

Стратегия сондай-ақ әкімшілік кедергілерді азайту, мемлекеттік қызметтерді көрсетуді жеделдету үшін технологияларды енгізу және ЖИ дамытуға қажетті негізгі инфрақұрылымды жаңғырту шараларын қамтиды. Тәсіл АҚШ пен ЕО тәжірибесін ескере отырып, икемділік пен динамикаға негізделген.

Стармердің пікірінше, бұл бағдарламаны жүзеге асыру Ұлыбританияның экономикалық трансформациясын жеделдетіп, ЖИ саласындағы позициясын нығайтып, бизнеске қолайлы жағдай жасайды. 

Премьер-Министрдің сендіруінше, бұл бастама жаңа жұмыс орындарының ашылуына, халықтың табысының артуына және мемлекеттік қызметтер тиімділігінің артуына әкеледі.

Материал kaz.inform.kz сайтынан алынды.