2024 жылғы қыркүйек айында Жапонияның Йокогама қаласында 22-ші Азия Сапа Конгресінің пленарлық отырысы өтті. Халықаралық жиынға Азия, Еуропа, АҚШ және басқа елдерден 400-ден астам делегат арнайы келген. Олардың қатарында 20 ұлттық сапа ұйымының басшылары бар, деп хабарлайды "Сапалы Қазақстан" порталы.

 Өкінішке қарай, халықаралық беделді байқауға Қазақстаннан бірде-бір кәсіпорынның өнімі ұсынылмады.

 XXII Азия сапа Конгресі (ANQ Congress 2024) отырысына біздің еліміздің атынан белгілі ғалым, академик, Қазақстандық сапа және инновациялық менеджмент ұйымының президенті Азат Әбдірахманұлы қатысып қайтты.

Азат Әбдірахманұлынан осы халықаралық жиын туралы, жалпы Жапонияға сапарнан көкейге түйген ойларын, алған әсерлерін ортаға салуды сұраған едік.