Жері сортаң, топырағы тұзды Атырау жерінде де цитрусты жемістер өсіруге болады.

       Атыраулық кәсіпкер Салтанат Жұбаева осыны дәлелдеп, қазір жылыжайда лимон мен мандарин өсіріп отыр. Былтыр 1 тоннаға жуық өнім алыпты. 

       Бұл Салтанаттың анасынан қалған шағын ғана жылыжайы. Осы жерден лимон өскіндерін әзірлеп, үлкен жылыжайға егеді. Қазірдің өзінде осы жердегі лимон ағаштары жеміс беріп үлгірген. Алғашында бұл кәсіпті бастаудың оңай болмағанын айтады. 

       Ерінбей еңбек еткен адам әркез олжалы болады, дейді Салтанат. Ол былтыр жылыжайынан 1 тоннаға жуық өнім алған. Енді лимон мен мандаринді де будандастырып, жаңа өнім шығаруды жоспарлап отыр. 

       Қазір облыста шағын және орта бизнесті дамытып отырған кәсіпкерлерге қолдау көп. «Бизнес аймақ» өңірлік бағдарламасы аясында биыл 24 кәсіпкердің жобасы қолдау тапқан. Оларға бюджеттен 480 млн теңге бөлінді. 

       Салтанат секілді ебін тауып, ерінбеген адам кәсібінің нәсібін көреді. Енді ол жылыжайын үлкейтіп, өнім көлемін арттыруды ойлап отыр.

       https://24.kz/kz/