Цифрлық даму, инновациялар және аэроғарыш өнеркәсібі министрі Жаслан Мәдиев Түркияның Baykar компаниясының техникалық директоры және негізін қалаушылардың бірі Сельчук Байрактармен кездесті.

Кездесуде табиғи апаттармен күресте инновациялық дрондарды пайдалану жайы талқыланды. Baykar әзірлеген ұшқышсыз басқарылатын дрондар нақты уақытта бақылау, жедел әрекет ету және төтенше жағдайларда тиімді үйлестіру мүмкіндіктеріне ие.

Түркия Орман шаруашылығы бас басқармасының мәліметі бойынша, бір дрон 2020 жылдың жазында шамамен 3,5 миллион гектар орманды зерттеп, 345 орман өртін анықтап, сөндірген.

Министр ынтымақтастықты одан әрі арттыру мақсатында Baykar командасын Қазақстанға шақырды.

ҚазАқпарат