Жамбыл облысында 400-ден астам үйдің ауласын су басты
![Жамбыл облысында 400-ден астам үйдің ауласын су басты](/storage/articles/dLoDVPm4YpgCsEf5VxTf2wGQujHMgygRFtAH1wCx.webp)
фото: © Жамбыл облысының әкімдігі
Жамбыл облысы Сарысу ауданында нөсер жауын салдарынан 400 үйдің ауласын су басты. Бұдан бөлек, 47 үйге су кірген.
7 шілде Сарысу ауданында қатты жауын жауды. Ал кешкі уақытта таудған аққан жаңбырдың суы 200-ден астам үйдің ауласына кірген. Жақын тұрған 21 үйдің ішін су алды. Сондай-ақ ауданда қатты желдің салдарынан бірнеше рет жарық сөніп қалған.
Облыс әкімі Ербол Қарашөкеев оқиға орнына өз орынбасарын жіберген. Артынан өзі де барды.
Соңғы мәліметке сәйкес, су 400-ден астам үйдің ауласы мен 47 үйдің ішіне кірген. Қазіргі кезде 50-ден астам құтқарушы су айдау жұмыстарын атқарып жатыр.
Бұдан бөлек, төтенше жағдай салдарын жоюға 17 техника мен 11 мотопомпа тартылды.
"Біз бұл қиындықты да бірге еңсереміз", - дейді Қарашөкеев.
Бұған дейін "Жаңатас-Саудакент" тас жолы су басу қаупіне байланысты жабылған болатын. Қазіргі кезде аудандағы ахуал тұрақты, су деңгейі төмендеді. Адам, мал шығыны жоқ.
ҚазАқпарат
Пікірлер
Комментарий қалдыру үшін порталға тіркеліңіз немесе кіріңіз
Авторизация через