Сот пен полицияға бюджеттің қанша пайызы жұмсалады
![Сот пен полицияға бюджеттің қанша пайызы жұмсалады](/storage/articles/akboAKR8rRNU7HisC4opG3bcQMeeLehIonHhzwgO.webp)
фото: Tengrinews.kz / Турар Казангапов
Қазақстанның экономикалық зерттеулер институты 2023 жылғы қоғамдық тәртіпке, қауіпсіздікке, құқықтық, сот, қылмыстық-атқару қызметіне жұмсалған шығындарға шолу жасады.
kaz.inform.kz хабарлағанындай, былтыр қоғамдық тәртіп, қауіпсіздік, құқықтық, сот, қылмыстық-атқару қызметіне жұмсалған қаржы бүкіл республикалық бюджет шығынының 5,9% құрады (2022 жылы 6% болған).
Абсолютті түрде осы қызметтерге жұмсалған сома 2022 жылмен салыстырғанда 18,8%-ке ұлғайып, 1,3 трлн теңгеге жетті (2022 жылы 1,1 трлн теңге).
Өткен жылы қаржының жартысына жуығы — қоғамдық тәртіп, қауіпсіздік, құқықтық, сот, қылмыстық-атқару қызметіне жұмсалған бүкіл шығынның 47,9 пайызы — жеке адамның, қоғамның және мемлекеттің қауіпсіздігін қамтамасыз ету қызметіне жаратылды.
Ал 31,6% — құқық қорғау қызметіне, 6,6% — сотқа, 6,2% — қылмыстық-атқару жүйесіне, 4,7% — заңдылық пен құқықтық тәртіпті қамтамасыз етуге, 2,7% — қоғамдық тәртіп пен қауіпсіздік саласындағы өзге де қызметтерге, 0,3% — құқықтық қызметке тиесілі болды.
2023 жылы жергілікті бюджет шығыны құрылымында қоғамдық тәртіпке, қауіпсіздікке, құқықтық, сот, қылмыстық-атқару қызметіне жұмсалған шығын — 2,6% (2022 жылы 2,7%).
Сома 2022 жылмен салыстырғанда 18,8%-ке ұлғайып, 338,7 млрд теңгеге жетті (2022 жылы 285,1 млрд теңге).
Өткен жылы жұмсалған шығынның ең үлкен үлесі Алматы қаласына — 11,8% (2022 жылы 12,1%), Астанаға — 8,6% (2022 жылы 8,9%) және Қарағанды облысына — 7,1% (2022 жылы 7,4%) тиесілі болды.
Ең төмен үлес Ұлытау — 1,8% (2022 жылы 0,8%) және Абай — 2,7% (2022 жылы 1,7%) облыстарында.
Пікірлер
Комментарий қалдыру үшін порталға тіркеліңіз немесе кіріңіз
Авторизация через