Instagram мен TikTok-тағы заңсыз лотереялармен күрес басталды
![Instagram мен TikTok-тағы заңсыз лотереялармен күрес басталды](/storage/articles/qz0LqCULHuUAKAhqFvoB7h2YXEwaOiMLfWEB97pg.webp)
фото: pixabay.com
Елімізде лотереялар ойнатуға айрықша құқық лотерея операторына және оның агенттеріне беріледі. Ал заңсыз лотерея ұйымдастырғаны үшін 4 млн теңге айыппұлға дейін әкімшілік жауапкершілік қарастырылған, деп жазды kaz.inform.kz.
«Бүгінгі таңда 16 азамат айыппұл төлеп, әкімшілік жауапкершілікке тартылды. Құқық бұзушылық туралы 30 хаттама соттың қарауына жолданды, тағы 35 факт бойынша жауапқа тарту үшін материалдар жиналуда. Ұйымдастыру бойынша жауапқа тарту үшін материалдар жиналуда», - деді Туризм және спорт вице-министрі Мирас Төлебаев.
Министрлік интернет-ойынханалар мен заңсыз букмекерлік сайттарды ұйымдастырушыларды анықтау бойынша жұмыс жүргізуде. Бүгінгі таңда осындай 15 ресурстың 3 ұйымдастырушысы анықталды, оның ішінде оларға төлем жасау және эквайринг қызметтерін көрсеткен жергілікті қаржы ұйымдары да бар.
«Олар бойынша материалдар Алматы қаласы мен басқа өңірлердің экономикалық тергеу департаменттеріне жолданды», - деді спикер.
8 шілдеде Мемлекет басшысы ойын бизнесі мен лотерея қызметін реттеу бойынша жаңа заңға қол қойды. Бұл құжат 8 кодекс пен 14 заңның нормаларын қозғайтын бұрын-сонды болмаған 150 түзетуді қамтиды.
Пікірлер
Комментарий қалдыру үшін порталға тіркеліңіз немесе кіріңіз
Авторизация через