Қазақстанда кейбір санаттағы азаматтардың несиесі кешірілуі мүмкін. Бұл туралы Қаржы нарығын реттеу және дамыту агенттігі төрағасының орынбасары Олжас Қизатов айтты.

Қизатов ақпанда несие алудан ерікті түрде бас тарту туралы заң күшіне енгенін еске салды. Қазіргі уақытта бұл құқықты 385 мың қазақстандық пайдаланған.

"Қазір осы нормаларды іске асыруда банктер мен микроқаржы ұйымдарының жауапкершілігін қосымша қарастырдық. Егер олар несие алудан бас тартқан адамдарға несие берсе, банктер мен микроқаржы ұйымдары бұл кредиттерді міндетті түрде өшіріп, кредиттік бюро жүйесіндегі осы тұлғалар туралы жағымсыз кредиттік жазбаларды алып тастауы тиіс", - деді агенттік төрағасының орынбасары ОКҚ брифингінде.

https://kaz.tengrinews.kz/