Биылғы жылдың бірінші тоқсанында Жапонияда 22 мыңға жуық адам өмірден жалғыз өткен. 

Жапония ұлттық полиция агенттігінің хабарлауынша, бұл сан жыл сайын 68 мың адамға дейін артады деп болжанып отыр. Сондай-ақ өзін-өзі оқшаулау мен өзін-өзі қараусыз қалдыру салдарынан жалғыз өтетін адамдар санының өсуі мүмкін, деп жазады kaz.inform.kz. 

«Корицуси» (жалғыз өлім) термині Жапонияда 1995 жылғы Кобедегі жер сілкінісінен кейін пайда болды. 

Бұл кезде көптеген қарттар уақытша баспанада тұруға мәжбүр болды. Сосын кейбіреулер өздеріне қамқорлық жасаудан немесе басқалардан көмек алудан бас тартып, оқшауланды.

«Корицуси» «ешкімге білдірмей өлу және мәйіт белгілі бір уақыттан кейін табылуы керек» дегенді білдіреді. 

Бұл жағдай Жапония халқының тез қартаюына және жалғыз адамнан тұратын үй шаруашылықтарының үлесі қазіргі 36 пайыздан жоғарылаған сайын жиірек болып жатыр.

Сарапшылардың айтуынша, бұған жады мен психикалық денсаулық проблемалары себеп болады. Егде жастағы адамдар көмек көрсетуден бас тартқан жағдайда да үкімет қолдау көрсету жолдарын іздеуі керек.

2023 жылдың тамызында жапон үкіметі қажетті әрекетті әзірлеу үшін жалғызілікті өлімді зерттейтін сарапшылар тобын құрды.