Әлемге танымал миллионер, миллиордерлер қаржылық жетістікке жету үшін адам үнемі ізденіп, өзін-өзі жетілдіріп, білім алуға барынша  күш жұмсауы керек деп санайды.

 Әркім-ақ бай болғысы келеді. Алайда дәулетті жандар қатарына қосылу оңай емес. Ол үшін ақшаны көп табуға, жиналған қаражатты үнемдеуге, әдеттегі шығындардан бас тартуға тура келеді.

 Лотерея ұтып алмасаңыз, табан астында қалтаңызды қомпайту мүмкін емес.

Жалпы біздің елде заңды бұзбай баюға бола ма? Бұл сұрақты «Сапалы Қазақстан» порталының тілшілері алматылықтарға қойған еді.