Желтоқсанның алғашқы күнінен бастап жазғы доңғалақпен жүргізушілерді айыппұл салынады. Көлік жүргізушілері бүкіл маусым бойы, яғни ақпан айының соңына дейін қысқы доңғалақтармен жүруге міндетті. Тәртіп бұзғандар үшін айыппұл мөлшері қандай болады және полицейлер жазды доңғалақпен жүрген көліктерді іздей ме?

       1 желтоқсаннан бастап жолда жазғы шиналармен жүруге тыйым салынады, әйтпесе айыппұл салынады. Маусымға сәйкес келмейтін доңғалақтарды пайдаланғаны үшін 5 АЕК көлемінде айыппұл салынады – бұл шамамен 16 мың теңге. Алайда полицейлер жазғы дөңгелектердің соңынан түспейді. Бірақ егер көлік иесін тоқтатқан кезде доңғалақ ережесін бұзғаны анықталса, жазадан құтыла алмайды.

       "Кейбір жүргізушілер екі доңғалақты қысқы жолға сәйкес ауыстырып, ал қалған екі доңғалағы бүкіл маусымдық болса жарайды деп ойлайды, алайда олай емес. Төрт доңғалақ та шегенді болуы тиіс", - дейді Қостанай қаласы ІІБ бірінші орынбасары Марат Сахратов.

       Биылғы күзде шиналар бағасы бүкіл ел бойынша орта есеппен 40%-ға қымбаттаған. Мұны логистика мен инфляциямен байланыстырады. Дегенмен, сұраныс төмендемеп емес керісінше өсіп жатыр. Оның үстіне соңғы уақытта қазақстандықтар арзан нұсқаны сатып алғысы келмейді, дейді сатушылар.

       "Жаңа көліктерді сату танымал болды. Соған сәйкес адамдар бізге келгенде артық төлем жасамай, жақсырақ дөңгелек сатып алуды ойлайды. Бір жылға да, жарты жылға да бөліп төлеуге болады, сол себепті олар жақсырақ шинаны таңдайды", - деп түсіндіреді бас менеджер Виктор Писаренко.

       Қазір дөңгелектердің орташа баға диапазоны 17-35 мың теңге шамасында. Әлбетте, тиісінше, радиус неғұрлым үлкен болса, соғұрлым баға жоғарылай береді. Мысалы үшін, Қостанайдың қысы шегенді доңғалақтармен 3-4 маусым жүруге мүмкіндік береді. Тиісінше қар аз түсетін аймақтарда қызмет мерзімі қысқарады.