Ұлыбритания  қыста  газдан  қысым  көреді

Британдық тұтынушылар мен энергетика жеткізушілерін газдың әлемдік бағасының рекордтық жоғары болуына байланысты қатаң қыс күтіп тұр. Ел импорттық газға тәуелділікті азайтуы керек, деп мәлімдеді  Ұлыбританияның энергетикалық жеткізушілер мен өндірушілер қауымдастығында.

Еуропадағы газ бағасы жыл басынан бері тұрақты өсуді көрсетіп келеді. Фьючерстердің құны соңғы апталарда күрт өсті. Тамыз айының басында голландиялық TTF индексі бойынша ең жақын фьючерстің есептік бағасы 1 мың текше метр үшін 515 долларды құрады, ал қыркүйек айының соңында бұл көрсеткіш екі еседен астам өсті. 5 қазанда фьючерстің бағасы рекордтық 1450 доллардан асты.

 "Биыл  британдық  тұтынушылар мен газ жеткізушілер үшін  қыс қатты  болады. Бұл елдің төмен көміртекті энергия ресурстарын  одан әрі кеңейту және импорттық газға тәуелділікті және көмірсутегі шикізатының волотильді бағаларының осалдығын төмендету қажеттілігін тағы бір рет көрсетті", - деп хабарлады қауымдастық.

Сондай-ақ, энергетикалық сектор өкілдері елге тұтынушылардың шығындарын ұзақ мерзімді төмендетудің ең тиімді шарасы ретінде үйлердің энергия тиімділігі жөніндегі ұлттық бағдарлама қажет деп санайды.

Газ бағасының күрт ауытқуы экономиканың басқа салаларына да әсер етті. Бірнеше ірі тыңайтқыш өндірушілер, соның ішінде аммоний нитраты, газ бағасының өсуіне байланысты зауыттарда өндірістің қысқарғанын жариялады, бұл елде көмірқышқыл газының жетіспеуіне әкелді. Мал қасаптау  алдында және ет өнімдерін орау кезінде жануарларды естен тандыру  үшін қолданылатын көмірқышқыл газы аммоний нитратының жанама өнімі болып табылады. Индустрия өкілдері көмірқышқыл газының жетіспеушілігі мәселесі шешілмесе, елге азық-түлік дағдарысы төніп тұрғанын ескертті.

Ұлыбританияның бизнес, энергетика және өнеркәсіп министрлігі 22 қыркүйекте тыңайтқыш өндірушісі CF Fertilisers-пен елде азық-түлік дағдарысын болдырмау үшін өндірісті тез арада қайта бастау туралы үш аптаға келісім жасады.