Қазақстанда дзюдодан алғашқы халықаралық оқу-жаттығу жиыны басталды. Оған 30 елден 700-ден астам спортшы қатысып жатыр. Бұл туралы "Сапалы Қазақстан" порталы 24.kz сайтына сілтеме жасап хабарлайды.
Бұл лагерь елімізде алғаш рет ұйымдастырылып отыр. 5-15 тамыз аралығында жаттығулар Алматы облысындағы Олимпиадалық даярлау базасында өтеді.
Татамиге әлемнің үздік дзюдошылары — Олимпиада чемпиондары, жүлдегерлері және әлем чемпионаттарының жеңімпаздары шықты.
Қатысушылар қатарында қазақстандық дзюдошылар Елдос Сметов пен Ғұсман Қырғызбаев, сондай-ақ Жапония, Грузия, Ресей, Оңтүстік Корея және басқа да елдердің танымал спортшылары бар.
Бұл оқу-жаттығу жиыны спортшылардың алдағы халықаралық жарыстарға дайындығын пысықтайтын маңызды алаңға айналады.
