Түріктер фундук жаңғағын қатты құрметтейді. Орман жаңғағының бұл түрінен көптеген тәттілер ойлап табылған. Мысалы, какао мен бал қосылған тәттілер, фундук пастасы, барлық түрік десерттері,  кондитерлік өнімдер, халва, шоколадпен қапталған фундук, қантпен қуырылған фундук, тұзды және тағы басқалары.

Түркияның Қара теңіз аймағының кейбір қалаларында фундук пістесінің немесе жаңғағын баклава ішіне қосып қолданады. Түркияда итальяндық Нутелла патасының ның жергілікті әріптесі – «Sarelle» сатылады.

Бұл тәтті фундук пастасын нанға жағып, сүйікті сусынмен ішуге болады, әсіресе шаймен дәмдірек. Сондай-ақ, Fındık Ezmesi көптеген таңғы ас сатушыларында сатылады, фундук пастасы жұмсақ және сүтті болып келеді.

Сондай-ақ, Түркиядағы фундуктан күнбағыс майынан 4-5 есе қымбат өсімдік майы жасалады.

Түркиядағы фундук өндірісінің тарихын 2000 жыл бойы Қара теңіз жағалауынан байқауға болады және Түркия бүгінде әлемдегі ең ірі фундук өндірушісі және экспорттаушысы ретіндегі рөлін мақтан тұтады. Дәл осы пайдалы жаңғақтың әлемдік өндірісі мен экспортының 70-80%  Түркия қамтамасыз етеді және дәл осы жерде бүкіл әлемде сапа стандарты ретінде танылған Giresun фундук сорты өсіріледі.

Гиресун провинциясы (Джиресун) фундук өндірісінің астанасы болып саналады, мұнда бұл жаңғақтың үлкен әсерін провинцияның барлық өмір салаларында көруге болады. Гиресунның экономикалық саласы – фундук өндірісі аймақтық кірістің негізгі көзіне айналған.

Гиресундағы фундук туралы әндер де бар. Мысалы, ескі фольклорда «Егер сіз менің жағымда болмасаңыз, мен бір фундук жемеймін» деп айтылады. Фундук әдетте тамыздың аяғында піседі, содан кейін кептіру, қуыру және т.б. өңдеу процесстерінен өтеді және қыркүйек айынан бастап тұтынуға болады.

ҚазАқпарат